Info Shqip
Burime bëjnë me dije se nga shpërthimi i zjarrit në një diskotekë në Koçan të Maqedonisë së Veriut, numri i viktimave ka arritur në 59 persona. Ndërkaq, nga 148 të plagosur, 18 prej tyre janë në gjendje shumë të rëndë.
Deri tani janë 148 pacientë që janë nën kujdes nëpër spitale në Maqedoni. Në klinika kirurgjike janë 31, në Kirurgjinë për Fëmijë janë 4, në “KARIL” janë 16, në Kirurgjinë Plastike janë 11, në Kirurgjinë e qytetit janë 27 pacientë, në “8 Shtatori” janë 17 pacientë.
Ndërkohë, në Shtip janë 39 pacientë dhe në Koçani janë 30 pacientë gjithashtu. Rreth 18 pacientë raportohet të jenë në gjendje kritike.
Licenca e fundit e objektit është dhënë më 13.03.2023, me afat 1 vjeçar. Diskoteka ka qenë në pronë private ku pronarët janë ndërruar disa herë. Sipas dokumentit të siguruar, pronari ka pasur licencë deri më 24 mars të vitit të kaluar.