Info Shqip
Por teknologjia nuk ndalet vetëm te shikimi në errësirë.Shkencëtarët në Kinë kanë zhvilluar një lente kontakti të jashtëzakonshme që u jep njerëzve aftësinë për të parë në errësirë, madje edhe me sytë e mbyllur.
Kjo risi vjen nga Universiteti i Shkencës dhe Teknologjisë i Kinës dhe bazohet në përdorimin e nano-partikulave të avancuara që kapin dritën infra të kuqe, e padukshme për syrin e lirë.
Gjatë testimeve, studiuesit zbuluan se shikimi përmirësohej ndjeshëm edhe kur përdoruesit i kishin sytë mbyllur, pasi drita infra të kuqe depërton më lehtë përmes qepallave krahasuar me dritën e zakonshme.
Por teknologjia nuk ndalet vetëm te shikimi në errësirë. Lente të tilla mund të jenë ndihmë edhe për personat që vuajnë nga daltonizmi, duke transformuar dritën e kuqe në të gjelbër dhe duke bërë të perceptueshme nuanca që më parë nuk ishin të dallueshme për ta.
Studiuesit shprehen optimistë se ky është vetëm fillimi i epokës së “super-shikimit” përmes pajisjeve jo-invazive, me potencial të madh për përdorime të gjera në fushat e sigurisë, mjekësisë dhe teknologjisë së konsumit.