Tre persona nga Podgorica arrestohen në Budva për disa vjedhje të rënda

Policia në Budva ka arrestuar tre shtetas nga Podgorica – A.K. (24), A.O. (23) dhe F.C. (47) – nën dyshimin se janë autorë të disa vjedhjeve të rënda të kryera në mënyrë të organizuar në këtë komunë bregdetare.

Sipas njoftimit të Policisë, të dyshuarit kanë ardhur disa herë nga Podgorica në Budva, ku kanë vjedhur sasi të konsiderueshme të pajisjeve për plazh, si shezlongë, mjete pune, ventilatorë, bombola gazi, sete enësh dhe pajisje kuzhine, si dhe dy vitrina ftohëse nga pronat e tre qytetarëve.

Pas veprimeve të koordinuara taktike dhe operative, policia ka arritur të identifikojë dhe të ndalojë personat e dyshuar, të cilët do të procedohen në mënyrë të përshpejtuar me kallëzim penal në Prokurorinë Themelore të Shtetit në Kotor.