Info Shqip
KMF Ulcinj-Ulqini vazhdon të tregojë forcën e tij në Ligën e Parë të Malit të Zi në futsall, duke regjistruar një fitore të rëndësishme ndaj KMF Onogošt me rezultatin 8-4 në ndeshjen e zhvilluar në Ulqin.
Skuadra vendase dominoi lojën dhe shënoi që në minutat e para, duke mos i lënë hapësira kundërshtarit për të reaguar. Gjovani Koçoviq dhe Nermin Krumiq ishin protagonistë kryesorë me nga dy gola secili, ndërsa në listën e realizatorëve u shtuan edhe Edmond Kurti, Jeton Holli dhe Osman Gurzakoviq, të cilët shënuan nga një gol. Një moment i veçantë i ndeshjes ishte edhe goli i portierit Xhenis Berjasheviq, i cili vulosi triumfin e ekipit të tij.
Me këtë fitore, KMF Ulqin arrin në kuotën e 25 pikëve dhe ngjitet në vendin e tretë në renditjen e Ligës së Parë të Malit të Zi. Kjo paraqitje e shkëlqyer tregon se ekipi është në një formë të lartë dhe gati për të luftuar për pozitat e kreut në vazhdim të kampionatit.
