Megjithatë, shumë nga këto ndryshime nuk janë shenjë e sëmundjeve serioze të trurit…

Një studim i fundit tregon se ndryshimet natyrore të trurit gjatë plakjes mund të ndikojnë në aftësinë e individëve për të mësuar, mbajtur mend dhe zgjidhur probleme. Këto ndryshime janë të natyrshme dhe shpesh bëhen evidente pas moshës 50 deri 60 vjeçare. Aftësia për të mbajtur mend ose për t’u përqëndruar në më shumë se një aktivitet mund të bëhet më e vështirë me kalimin e kohës, duke çuar në shpërqëndrim më të lehtë se më parë.

Një shembull i zakonshëm është humbja e dëgjimit që ndodh shpesh me plakjen, e cila mund të ndikojë në aftësinë për të kuptuar të folurit, veçanërisht në mjedise të zhurmshme. Ky ndikim në përqëndrim mund të bëjë që individët të kenë më shumë vështirësi në dallimin e fjalëve, duke bërë përpjekje të shtuar për të kuptuar informacionin.

Megjithatë, shumë nga këto ndryshime nuk janë shenjë e sëmundjeve serioze të trurit, siç është sëmundja e Alzheimerit.

Ato janë shpesh pasojë e ngadalësimit të procesimit të informacionit për shkak të uljes së përqëndrimit.

Edhe pse funksionet e trurit mund të ngadalësohen, aftësia për të kuptuar dhe formuar gjykime të arsyeshme mbetet e paprekur. Përmirësimi i cilësisë së gjumit dhe kujdesi për shëndetin mendor mund të ndihmojnë në lehtësimin e këtyre ndryshimeve.